زواج =رقص =ملابس عارية =اغاني

[جروح دفينة]

جت الاجازة والمعروف هذا موسم الاعراس والسفرات واغلب الزواجات ليلة الجمعة

كنت معزومة على زواج احد قرايبي من بعيد دخلت العروس وارتفعت الاغاني

والكاميرا شغالة مادخل معها اي رجال قلت الحمد لله مولازم نغطي وبعد ساعتين

دخل المعرس وقاموا كل الحضور يبون يشوفون المعرس واللي يعز عليه شنو

داخل الميرزا عبدالله الله يحفظه وهذا الحال بكل زواج يستخفون لدخل الرجال

شذا مو شايفين رجال وموبس هذي المشكلة تجي البنت وتمسك يد ابوها وملابسها

العارية تمسك ابوها وترقص معاه والاخت نفس الشيء ترقص مع اخوها وملابس

عارية ودقي يامزيكة وهز ياوسط استغفر الله نعنوا ابوهم وين احنا فيه قلة ادب لابعد

حد وانا مستغربة من اللي اشوفه العاده ماابقى اول مايدخل المعرس اسلم واطلع

مااحب اجلس الا وتنط زوجة الولد وترقص يم ابو زوجها مغير حاطه اللثمة وترقص

اقل حركة الا وشافها المعرس وكل هذا ليلة الجمعة اما اللبس حدث ولاحرج يم

الحريم وقلنا بس يم محارمكم عيب والله عيب وحدة لابسة قصير ونص الفخذ باين

والثانية لابسة فستان نص صدرها طالع والبطن باين والا العروس اذا دخل

معها اخوها او ابوها وهذا زواج ثاني والله كانت لابسه ومولابسه واكيد البنات

يعرفون فستان الزواج زي التنورة والا فوق قطعة من الملابس الداخلية ياساتر فشلة

حرااااام حرااااام حتى لو حلال عليكم بس موتكشفون اجسامكم لهم ويمكن فاهمين

انه الحلال بطريقة غلط الحلال بس انكم ماتتحجبون عنهم ولا يصير تزواج بينكم

اما كشف العورة حراااااااام

انتوا شرايكم وهل مرت عليكم مثل هالمواقف اللي تثير السخط والاشمئزاز

ويقولون زادت نسبة الاعتداء على المحارم احتشموا احتشموا

[ذكرى الامس]

والله موضوعج جدا مهم ...

اما اللبس صج والله كلامج قله ادب .. احس انهم يكلفوون على رووحهم بهاللبس ياما رحنا عرووس اووووف اشكال وانوواع من الملابس اللي تلبس لج تنوووره تقوولين حقت اختها الصغيره وبالموت لبستها واللي بلووزه الظاهر من يوم هي صغيرها محتفظه فيها ولابستها .. المفرووض البنت تستحي انها تلبس مثل هالملابس احس عيب وان كنا بين حريم والله عيب وما يصلح .. بس اللي نشووفه غير .. صدقتي اذا دخل المعرس تقوولين اول مره يشووفون معرس الحمدلله والشكـر كل العالم فوق المسرح شدعووه .. اول مره تروحون عرس وتشووفون معرس وبالذات المعرس يعني يوم تدخل العرووس كل العالم في مكانها واذا جا بيدخل المعرس كل وحده تحجز لها مكان فوق المسرح وكل وحده تدف الثانيه عشان تشووف .. يمكن الرجال يستحي وانتوا لاحيا ولا مستحى


والله الواحد صاار ما يحب يرووح عرووس والسبب شنو اللي نشووفه ..

تشكرين خيتو على الموضوع المهم صرااحه ..

الله يعطيج العافيه ..

[الراسي]

جروح دفينة.......

هيك ما بيصير. وممكن البعض بيعتبرها عادات في عائلتهم ولازم يدخلوا مع العروس والعريس. فكلنا نتفق بأن هالشي مخالف للدين. لكن للاسف العالم اليوم تحكم بالعادات وبالتفاخر وبس. واذا كان يوم فرح فالدين بيكون جانب وغائب. هيك تفكيرهم.

ما بعرف بس هالشي انتشر واصبح اللي ينكروه قليل جدا وكأنه اصبح مباح.

جروح دفينة...شكرا لغيرتك. ورائع ان تكتب اقلامنا من هموم الواقع الذي نعيشه. ربي يوفقك واستمري في مسلسل الابداع.

[جروح دفينة]

ذكرى الامس

الراسي شرفتوني بتواجدكم واكثر شيء غاثني


اللبس اللبس والتخلع يم المعرس ونسيت اقول

لكم بعضهم يرقصون وهم متنقبات ولاهمهم اذا

الرجال شافوهم اولا اندمرت الناس

[مرجوجه كوول]

اي والله والاردى من ذا كله كنت رايحه زواج تخيلي اخوان المعرس وعيال اعمامه داخلين
والمشكله ان خوات المعرس قاموا يرقصون وكان هالشي عادي عندهم
والله مدري كيف اهلهم يرضون بهالمهزله
الله يهديهم ويعطيك العافيه على الموضوع

[الراسي]

الله يهدي يس................

[دانة الكون]

بجد منتشر وكثيييير كمان ..

شفت مثلكم وشفت اكثر كمان

بذكر شي بجد هذا ماله داعي وحير واستفز الكثييير

لما كنت بزواج وحده من معارفي دخل اخوانها وابوها وبدا الرقص والهبال حق الشباب وطبعا بوسطهم خواتهم والي متزوج بيده زوجته وترقص معه قدام اخوانه والوضع ايييييزي عند الكل ..

بس الي صار انا واحد من اخوان العروس وهو يرمي الفلوس على اخته العروس مسك خمس ريال وحطها بفمه وقرب من فم العروس عشان تاخذه منه واخذتها من فمه بفمه
!!!!!!!!

بجد شي عجيييييب !! والقهر انه عادي وقدام النااس ..اسغفر الله

الحين كذا بس القادم اعظم ..والله يستر!!

ربي يعافيك على طرحك غلاتي..مميزه"

[جروح دفينة]

مرجوجه انتي عارفة معنى اسمك مو هذا حديثنا

مو هذي المشكلة اذا سكتوا الاهل تمادوا اكثر

واكثر مشكورة عالمرور

دانه الكون لو انا منك شفت هالمنظر كان رفعتي

حذايني وسكيتهم مع بعض هههه امزح انا خوافة

وع بجد منظر قبيح هذي اخته والله عيب

مشكورة على المرور

[مروى الملحم]

اممممممم احنا عاداتنا ممكن انو اخوان العروس وزوجهاا يدخلون وابوهاااا وابو زوجها بس ماشوف بنات خالتها او خواااات زوجهاا يرقصوون قدام هالرجـآل بالنسبه لنـآ احناا واللي اشوفه بعايلتنا...

اماا عن اللبـسسس اشوف كثيرررر وتتعودت ع هالمنـآإظر بصراإحه...

والله يهدي الجميـع...!!!


وشاكره لكِ طرحك

[سمو الاميره]

والله يامه شفت ناس ابد لبسهم

مافي احتشام ولا شي والقهر يقلون

متدينين هذا القهر واعراسهم مواليد

وخر بالك واهم في هالمسخره الي يسونها

والرقص والخبال مايفك منهم

يعطيك العافيه على الطرح